Қазақстан Республикасы Ауыл шаруашылығы министрінің 2015 жылғы 19 наурыздағы № 18-04/245 бұйрығымен бекітілген Аңшылық алқаптар мен балық шаруашылығы су айдындарын және (немесе) учаскелерiн бекiтiп беру жөнiнде конкурс өткiзу қағидаларына және конкурсқа қатысушыларға қойылатын бiлiктiлiк талаптарына (бұдан әрі – Қағидалар) сәйкес конкурстық өтінім:
1) осы Қағидаларға 1-қосымшаға сәйкес нысан бойынша Аңшылық алқаптарды бекітіп беру жөнiнде конкурсқа қатысуға арналған өтінішті;
2) өтінім берушінің Конкурсқа қатысушыларға қойылатын белгіленген біліктілік талаптарына сәйкестігін растайтын құжаттарды:
жеке тұлғалар үшін – Қазақстан Республикасы азаматының жеке куәлігін немесе төлқұжатын, кәсіпкерлік қызметті заңды тұлға құрмай жүзеге асыруға құқық беретін құжаттарды (көшірмесі);
заңды тұлғалар үшін – заңды тұлғаны мемлекеттік тіркеу (қайта тіркеу) туралы анықтаманы немесе куәлікті (көшірмесі);
Қазақстан Республикасы Ауыл шаруашылығы министрінің 2015 жылғы 31 наурыздағы № 18-04/287 бұйрығымен (Нормативтік құқықтық актілерді мемлекеттік тіркеу тізілімінде № 10890 болып тіркелген) бекітілген үлгі нысан бойынша қаржыландыру көздері мен көлемі, жұмыс ауқымы (қорғау, өсімін молайту және биотехникалық іс-шарларды қоса алғанда) көрсетілген екі жылға арналған аңшылық шаруашылығы субъектісін дамыту жоспарын (түпнұсқасы);
Конкурсқа қатысушыға қызмет көрсетілетін банктің, банк филиалының немесе бөлімшесінің Конкурсқа қатысушының банк, банк филиалы немесе бөлімшесі алдындағы міндеттемелерінің барлық түрі бойынша уақытында төленбеген берешектің жоқ екені туралы қағаз тасығыштағы қол қойылған және мөр басылған анықтаманың түпнұсқасын (конкурсқа қатысушы екінші деңгейдегі бірнеше банктің, филиалдың немесе бөлімшенің, сондай-ақ шетелдік банктің клиенті болып табылатын жағдайда бұл анықтама осындай банктердің әрқайсысынан беріледі) қамтиды, ол конкурстық өтінімдер салынған конверттер ашылатын күннен отыз күнтізбелік күннен ерте берілмеуге тиіс;
“Агроөнеркәсіптік кешенді және ауылдық аумақтарды дамытуды мемлекеттік реттеу туралы” Қазақстан Республикасының 2005 жылғы 8 шілдедегі № 66 Заңының 6-бабы 1-тармағының 16) тармақшасына сәйкес бекітілетін Тракторларды және олардың базасында жасалған өздiгiнен жүретiн шассилер мен механизмдердi, монтаждалған арнаулы жабдығы бар тiркемелердi қоса алғанда, олардың тiркемелерiн, өздiгiнен жүретiн ауылшаруашылық, мелиорациялық және жол-құрылыс машиналары мен механизмдерiн, жүрiп өту мүмкiндiгi жоғары арнайы машиналарды мемлекеттiк тiркеу қағидаларына сәйкес конкурстық өтінімдер салынған конверттер ашылатын күннен бір айдан ерте берілмеген қатысушының атына тіркелген машиналардың болуы немесе болмауы туралы мемлекеттік техникалық инспекцияның анықтамасын;
Қазақстан Республикасы Ішкі істер министрінің 2014 жылғы 8 желтоқсандағы № 874 бұйрығымен (Нормативтік құқықтық актілерді мемлекеттік тіркеу тізілімінде № 10064 болып тіркелген) бекітілген нысан бойынша қатысушының атына көлік құралдарын тіркеу туралы куәлікті (көшірмесі);
Аңшылық алқаптар мен балық шаруашылығы су айдындарын және (немесе) учаскелерiн бекiтiп беру жөніндегі конкурсқа қатысушыларға қойылатын біліктілік талаптарына осы бұйрыққа қосымшада көрсетілген материалдық-техникалық құралдардың болуын растайтын құжаттарды (түпнұсқа);
аңшылық шаруашылығы саласында мамандардың болуын растайтын құжаттарды (жасалған еңбек шарттары мен дипломдардың көшірмелері) қамтиды.
Аңшылық алқаптарды бекiтiп беру жөніндегі
конкурсқа қатысушыларға қойылатын
біліктілік талаптары
Аңшылық алқаптарын бекiтiп беру жөніндегі конкурсқа қатысушыларға қойылатын біліктілік талаптары:
1) аңшылық алқаптар мен балық шаруашылығы су айдындарын және (немесе) учаскелерін бекітіп беру жөніндегі конкурсқа қатысушыларға қойылатын біліктілік талаптарына қосымшаға сәйкес аңшылық шаруашылығын жүргізу үшін оның санатына байланысты материалдық-техникалық базаның болуы (түпнұсқа немесе көшірме);
2) аңшылық шаруашылығы саласындағы мамандардың болуы (биолог-аңшылық жүргізуші, биолог, аңтанушы);
3) Конкурсқа қатысушының қаржылық дербестігі;
4) салық төлеушінің салық берешегінің, міндетті зейнетақылық жарналар, міндетті кәсіби зейнетақылық жарналар және әлеуметтік аударымдар бойынша берешектің болмауы.
Бірнеше аңшылық алқаптарға өтінім берілген жағдайда Конкурсқа қатысушы конкурстық өтінімді әрбір аңшылық алқабына жеке-жеке дайындап, оларды мөр басылған әртүрлі конверттерде береді.
Өтінім тігілген күйінде, нөмірленген беттерімен беріледі, бұл ретте соңғы беті қол қою арқылы және мөрмен куәландырылады (егер болса, жеке тұлға үшін), мөр басылған конвертте Конкурсқа қатысушының атауы мен мекен-жайы көрсетіледі.
Конкурстық өтінімдер берудің түпкілікті мерзімі – 2019 жылғы 10 мамыр, сағат 18.30 дейін.
Белгіленген мерзім аяқталғаннан кейін Конкурсқа қатысуға берілген конкурстық өтінім салынған конверт қабылданбайды.
Конкурстық өтінімдер салынған конверттер 2019 жылғы 13 мамырда, сағат 16.00-де Конкурсқа қатысушылардың немесе олардың өкілдерінің көзінше Қостанай қаласы, Әл-Фабали даңғылы 66 (облыс әкімдігінің ғимараты), 4 қабат – кеңес залында ашылады.
Қағиданың 16 және 17-тармақтарының талаптарына сәйкес құжаттама болмаған не тиісінше рәсімделмеген, сондай-ақ Конкурсқа қатысушы біліктілік талаптарына сәйкес келмеген жағдайда мұндай қатысушы конкурс шарттарына сәйкес келмеді деп танылады.
Өткізілген Конкурстың қорытындыларын конкурстық комиссия конкурстық өтiнiм салынған конверттер ашылған күннен бастап он жұмыс күні ішінде шығарады.
Аңшылық алқаптарды бекітіп беру туралы облыстың жергілікті атқарушы органының шешімі негізінде он жұмыс күні ішінде облыстың жергілікті атқарушы органы мен Конкурс жеңімпазының арасында аңшылық шаруашылығын жүргізуге арналған шарт жасалады.
Егер Конкурс жеңімпазы облыстың жергілікті атқарушы органының аңшылық алқаптарды бекітіп беру туралы шешімі қабылданғаннан кейін көрсетілген мерзімде аңшылық шаруашылығын жүргізу шартына қол қоймаса, онда аңшылық алқап № 2 хаттамаға сәйкес Конкурс жеңімпазының рейтингтік бағасынан кейінгі жиынтық бағасы басымдау болып табылатын Конкурс қатысушысына бекітіп беріледі.
Қосымшаларды жүктеу
Бекiтiп беру үшін конкурсқа шығарылған аңшылық шаруашылықтар
|
№ |
Аңшылық шаруашылықтың атауы |
Орналасқан жері (аудан) |
Аңшылық алқап туралы ақпарат |
| 1 | Интурохота | Аркалык қаласы
Қостанай қаласынан 400 км |
Шаруашылық алаңы 380 000 га.
ІV санаты. Аңшылық шаруашылықтың аумағында өмір сүретін аңшылық жануарлардың негізгі түрлері: қасқыр, түлкі, қарсақ, борсық, ақбөкен, ор қоян, сұр қаз, ақ маңдайлы қаз, қырман қазы, сарыала қаз, отүйрек, барылдауық үйрек, боз үйрек, даурықпа шүрегей, ысылдақ шүрегей, қылқұйрық үйрек, сарыайдар үйрек, қызыл тұмсықты сүңгуiр, жалпақ тұмсықты сүңгуiр, бөдене, сұр шіл, қызыл қасқа сутартар, әр түрлі шалшықшы құстар, әр түрлі кептерлер. |